Já krakkar mínir!
Langt síðan ég bloggaði, þetta gengur ekki. Það er bara búið að vera alveg kreisí að gera hjá mér, held bara að þið gerið ykkur ekki grein fyrir því.
Alveg milljón að gera í vinnunni, sérstaklega seinni hluta vikunnar útaf þessu Food & Fun sem er búið að vera í gangi. Það var mjög gaman, en mikið af fólki. 3000 manns boðið í partýið sem var hérna á laugardagskvöldið. Milljónarmæringarnir spiluðu fyrir dansi og Hreimur var með samsöng á barnum. Allt voða gaman. Ég fékk að eiga eina söngbók, fullt af skemmtilegum partýtextum þar, svona ef manni vantar hugmyndir í gítarpartýum.
Síðan erum við að fara í hópeflisferð, móttakan eins og hún leggur sig. Ætlum í Bláa Lónið á 5-6 klst langan fund, síðan í Lónið og svo endum við þetta á að borða góðan mat þarna uppfrá. Þess má geta að við Linda verðum algjörlega svefnlausar og því án efa hressastar á svæðinu :D
Síðan er María að skreppa aftur út til Barcelona og ef ég hef rænu ætla ég að hanga með henni og reyna að skutla henni uppá flugvöll svo hún þurfi ekki að taka flugrútuna alein og yfirgefin því það er örugglega hundleiðinlegt.
Á miðvikudaginn fer ég á Ladda sýninguna. Hlakka geggjað til, uppselt á allar sýningarnar og bara rosa vinsælt sjó. Verður örugglega geggjað stuð!!! :D
Næstu helgi er síðan allt að gerast... ótrúlegt að allt lendi svona á sama deginum. Það er Vestmannaeyjakynning í gangi í Smáralindinni allan laugardaginn, Árni Johnsen verður með brekkusöng og læti bara. Síðan fer ef ég kemst og kíki í 25 ára afmælisveisluna hans Dóra. Síðan ætla ég að reyna að komast á Players á áframhaldandi Eyjapeyjafjör. Vá nóg að gera bara :)
Reyni að taka myndir og svona skemmtilegt og henda því inn. Held ég skuldi líka myndir síðan einhverntíma fyrir löngu. Reyni að redda því svona þegar ég er búin að grafa upp tölvuna mína úr draslinu inni hjá mér.... já gott fólk. Ég ætla að taka til í vikunni. Heimsækja ömmu og afa og Björk frænku. Vaaaaaaaaaúúúúa bussí læf!
Látið í ykkur heyra, ég sakna ykkar!
