Jæja góðan daginn!
Um daginn sagði ég ykkur frá afdrifum leikaranna úr Beverly Hills í tilefni þess að í sumar fer ég til Californíu. Ég er sko ekki hætt þar og næst er það Melrose Place.
Melrose Place eru svona spinoff þættir sem hófu göngu sína í kjölfar geysilegra vinsælda Beverly Hills 90210. Melrose Place er stórt fjölbýli í Vestur Hollywood og fjalla þættirnir um líf þeirra sem búa í íbúðunum. Karakterarnir eru örlítið eldri en þau í Beverly Hills og höfðaði því til stærri markhóps.
Þættirnir voru teknir upp á árunum 1992 til 1999 og voru framleiddir af Darren Star.
Rennum aðeins yfir aðalleikarana og hvernig lífi þeirra er háttað í dag.
____________________________________________________________
Fyrstur kemur auðvitað Dr. Michael Mancini. Leikinn af Thomas Calabro.
Hann var eini karakterinn sem var í þáttunum frá blábyrjun til enda.
Michael hafði ekkert í heilanum sem fólk kallar 'common sense'. Hann var stundum og stundum ekki yfirlæknir á Wilshire Memorial spítalanum. Hann gat heldur aldrei ákveðið sig í ástarlífinu og giftist Jane (tvisvar), Sidney Andrews, Kimberly Shaw og Megan Lewis. Síðan trúlofaðist hann Lexi Sterling. Hann átti tvö nickname í þáttunum; "Beer Nuts" og "Dr. Glue Sniffer." Ótrúlega seinheppinn og aldrei á réttum stað á réttum tíma.
Thomas Calabro er fæddur 3. febrúar 1959 í Brooklyn, New York. Hann fór í Fordam háskólann og fékk fyrsta stóra "breikið" sitt þegar skólafélagi hans, Denzel Washington, þurfti að hætta í skólauppsetningu á 'A Midsummers Night Dream' og fékk Calabro hlutverkið hans.
Calabro hefur reynt fyrir sér í sjónvarpsmyndum og hann hefur líka sést í mörgun sjónvarpsþáttum upp á síðkastið eins og til dæmis 'Cold Case' og 'Nip/Tuck'.
Calabro giftist Elizabeth Pryor og með henni þrjú börn en þau eru nú fráskilin.
_______________________________________________________________
Jane Andrews Mancini var gift Michael. Leikin af Josie Bissett .
Jane var fatahönnuður sem keypti fatabúð. Síðan vann hún við auglýsingagerð og keypti síðast blómabúð. Hún var lengi kölluð stelpan með sláttuvélarhárið því hún var með þeim fyrstu að vera með mjööög stutt og úfið hár.
Josie Bissett fæddist 5. október 1970 í Seattle í Washington og var skírð Jolyn Christine Heutmaker. Bissett hefur leikið í mörgum sjónvarpsmyndum og litlum kvikmyndum ásamt því að hafa birst í sjónvarpsþáttum á borð við 'Law & Order' og 'P.S. I luv U'.
Bissett er með tvö tattú og var valið ein af 50 fegurstu konum heims árið 1996 af tímaritinu People.
Hún giftist Rob Estes árið 1992 og á með honum tvö börn, Mason og Maya. Estes og Bissett eru þó skilin.
______________________________________________________________
Billy Campell, gaurinn sem reyndi að vera macho en enginn var hræddur við. Leikinn af Andrew Shue.
Billy giftist næstum Alison og var giftur Brooke og Samantha. Síðan trúlofaðist hann Jennifer þegar þau fluttu saman til Rómar.
Andrew Eplley Shue fæddist 20. febrúar 1967 í South Orange í New Jersey.
Hann hefur leikið í 'The Karate Kid' og 'The Rainmaker'. Hann er bróðir leikkonunnar Elisabeth Shue sem hefur fengið tilefningu til Óskarsverðlaunanna. Shue spilaði fótbolta í Skotlandi og Zimbabwe þar sem hann kenndi líka stærðfræði í highschool. Síðan spilaði hann líka smá með Los Angeles Galaxy sem David Beckham er búinn að ganga til liðs við í dag.
Shue deitaði Courntey Thorne-Smith um tíma, mótleikkonu sína í Melrose.
Shue er í dag giftur Jennifer Hageney og á með henni tvö börn.
_____________________________________________________________
Alison Parker, yfirmaður auglýsingafyrirtækisins D&D, leikin af Courtney Thorne-Smith.
Alison var líka þjónustustúlka á Shooters, staðnum sem allir hanga mikið á. Hún var gift Billy Campbell og líka Hayley Armstrong and Jake Hanson.
Courtney Thorne-Smith er fædd 8. November 1967 í San Francisco, California.
Hún lék í Melrose Place frá '92-'97 og síðan sló hún í gegn sem Georgia Thomas í 'Ally McBeal' og var verðlaunuð fyrir framúrskarandi leik. Í dag sést hún á Skjá einum í hlutverki Cheryl í 'According to Jim'.
Thorne-Smith deitaði mótleikara sinn Andrew Shue í eitt ár meðan á tökum Melrose Place stóð.
Hún giftist síðan Robert Andrews árið 2000. Hjónabandið entist í eitt ár og í dag er hún gift Roger Fishman. Þau giftu sig 1. janúar 2007.
_____________________________________________________________
Jake Hanson, badboy og kvennabósi, leikinn af Grant Show.
Jake var vélvirki og síðan bareigandi. Giftist Alison og eignaðist soninn David með Colleen.
Grant Show er fæddur 27. febrúar 1962 í Detroit, Michigan. Hann ólst þó upp í Santa Cruz í Californiu. Lék í 'The Girl Next Door' og hefur líka sést í þónokkrum sjónvarpsþáttum eins og t.d. 'Saturday Night Live', 'Six feet Under' og 'Strong Medicine'.
Hann hefur gaman að kappakstri, golfi, fluguveiðum og mótorhjólum. Í menntaskóla keyrði hann um á '65 árgerð, rauðum, convertible Mustang.
Show var piparsveinn til langs tíma en giftist loks módelinu Pollyanna McIntosh. Þau búa í Californiu og hafa stofnað fjölskyldu.
_______________________________________________________________
Dr. Matt Fielding. Homminn sem fékk aldrei 'on-screen' koss. Leikinn af Doug Savant.
Var félagsráðgjafi á Wilshire Memorial sjúkrahúsinu áður en hann fór aftur í skóla til að klára læknanámið. Lést í bílslysi :( Matt var einn af fyrstu opinberlega samkynhneigðu karkaterunum í sjónvarpi en það mátti ekki sýna hann í neinum athöfnum sem fólki gæti mislíkað að sjá.
Douglas Peter Savant er fæddur 21. júní 1964 í Burbank California.
Hann hefur sést í þáttunum 'JAG', 'Nip/Tuck', '24' ásamt því að hafa leikið í Godzilla. Nú er hann eitt aðalhlutverka í hinum geysivinsælu sjónvarpsþáttum 'Desperate Housewives' þar sem hann leikur Tom Scavo sem er giftur henni Lynette.
Savant er giftur fyrrum Melrose Place leikkonu Laura Leighton og á með henni tvö börn. Savant á einnig tvö börn með fyrri konu sinni Dawn Dunkin.
_______________________________________________________________
Jo Reynolds. Atvinnuljósmyndari sem fékk barnið sitt í jólagjöf. Leikin af Daphne Zuniga.
Lenti í hörku rifrildi við Amöndu um kærasta sinn Jake Hanson en varð alveg kreisí og rústaði íbúðinni sinni og Amanda vann rifrildið og kærastann. Jo hvarf úr þáttunum eftir 4 ár og fór til Bosníu með ástinni sinni Dr. Dominick O'Malley.
Daphne Eurydice Zúñiga er fædd 28. október 1962 í Berkeley California. Ekki fræg fyrir leik sinn í þáttunum og myndunum sem hún hefur leikið í fyrir utan Melrose. Zuniga leigði með Meg Ryan þegar þær voru að reyna fyrir sér í leiklistinni.
Pabbi hennar er frá Guatemala. Zuniga fékk Mercury sýkingu vegna þess að hún borðaði fisk á hverjum degi sem varð til þess að hún þjáðist af minnisleysi, höfuðverkjum og þunglyndi. Hún ætlar ekki að borða fisk aftur og lifir nú á prótín shake-um. Hún keyrir um á Harley-Davidson mótorhjóli. Hún vinnur í frítíma sínum við að hreinsa upp eiturefnaúrgang og sem ráðgjafi unglinga í menntaskólum þar sem takmark hennar er að halda þeim frá eiturlyfjaneyslu. Gott mál!
______________________________________________________________
Dr. Kimberly Shaw. Konan í mesta andlega ójafnvægi sem ég hef séð á skjánum held ég. Leikin af rauðhærðu vinkonu minni Marcia Cross.
Kimberly lenti í hræðilegu bílslysi með manninum sínum Michael Mancini og var næstum dáin. Var með stórt ör á enninu eftir það og var kölluð "Zipperhead". Hún var læknir á Wilshire Memorial spítalanum en hún vann einnig á útvarpsstöð og sem sálfræðingur. Hún dó vegna slagæðagúlps í heilanum. Hún var líka sækó og bara púff ég verð pirruð á að hugsa um það.
Marcia Cross hinsvegar er yndisleg. Hún er fædd 25. mars 1962 í Marborough, Massachusetts. Hún útskrifaðist úr Julliard listaháskólanum og er líka búin með mastersnám í sálfræði. Hún hefur komið við víða í leiklistarheiminum, m.a. í 'Seinfeld', 'Cheers', 'Ally McBeal', 'Spin City' og 'King of Queens'. Hún fékk eitt aðalhlutverka í 'Desperate Housewives' og leikur þar fyrirmyndarfrúna Bree (Van De Kamp) Hodge. Hún hefur oft verið tilnefnd til verðlauna fyrir leik sinn í þáttunum og hefur til dæmis unnið þrenn Golden Globe verðlaun.
Cross var lengi gift Richard Jordan en hann dó úr heilaæxli 30. ágúst 1993.
Cross er að mínu mati ein fallegasta rauðhærða kona heims og er með fallegustu húð sem ég hef séð.
Snemma árs 2005 var því haldið fram að Cross væri samkynhneigð en hún þvertók fyrir það og kom gagngert í sjónvarpsviðtal til að stoppa söguna en lýsti því þó yfir að hún væri mjög hlynnt gagnkynhneigðu samfélagi.
Cross giftist Tom Mahoney í júní 2006 og í september sama ár tilkynntu þau að þau ættu von á tvíburum. 11. janúar ráðlögðu læknar henni að vera rúmliggjandi restina af meðgöngunni og hætta að leika en hún tók það ekki í mál svo atriði með henni voru tekin upp á heimili hennar og var það málað eins og heima hjá Bree Hodge. Tvíburarnir fæddust síðan 20. febrúar 2007, tvíeggja stúlkur. Cross viðurkenndi nýlega að börnin væri glasabörn og voru "búin til" einni viku eftir brúðkaupið.
_______________________________________________________________
Sidney Andrews, sérvitra systir Jane Mancini. Leikin af Laura Leighton.
Vann fyrir sér á marga vegu, sem strippari, vændiskona, þjónn, búðareigandi og fleira. Hún giftist Michael Mancini og skildi svo við hann, giftist síðan Craig Field. Hún dó þegar Samanta Reilly keyrði á hana.
Laura Leighton er fædd 24. júlí 1968 í Iowa borg, Iowa. Lítið hefur borið á henni í sjónvarpinu fyrir utan Melrose og Beverly Hills, en hún sást núna nýlega í 'Boston Legal' og 'Law & Order'.
Leighton deitaði meðleikara sinn Grant Show um nokkurt skeið en er giftist öðrum meðleikara í þáttunum Doug Savant árið 1998 og á með honum tvö börn. Leighton spilar á píanó.
_______________________________________________________________
Amanda Woodward. Drottning frumskógarins í Melrose landi. Leikin af Heather Locklear.
Hún var kölluð þetta vegna þess hversu mikið snobb hún var og taldi sig miklu betri en allir aðrir. Hún var líka eigandi byggingarinnar sem þau bjuggu öll í. Amanda var eigandi, forstjóri og yfirmaður auglýsingastofunnar sem áður hét D&D Advertising en hét undir lokin Amanda Woodward Advertising. Hún var gift Jack Parezi, Peter Burns, Kyle McBride, Rory Blake, og Kyle McBride tvisvar. Alla hennar tíð í þáttunum var hún kynnt sem 'Special Guest Star' og var það líklega vegna þess að hún var frægust og flottust.
Heather Locklear er fædd 25. september 1961 í Westwood, California.
Hún ætlaði að verða klappstýra en var neitað um aðgang og fór í leiklistarklúbbinn í staðinn. Stuttu seinna varðhún fræg fyrir hlutverk sitt sem Officer Stacy Sheridan í 'T.J. Hooker' þar sem hún lék á móti William Shatner. Lék líka í þáttunum 'Dinasty' sem voru framleiddir af Aaron Spelling. Seinna lék hún á móti Michael J. Fox í Spin City sem Caitlin Moore. Einnig hefur hún sést í 'Boston Legal', 'Scrubs' og 'Two and a half Men'.
Locklear er af skoskum uppruna og deilir afmælisdegi með Catherine Zeta-Jones, Michael Douglas, Will Smith, Barbara Walters, Michael Madsen og Christopher Reeve heitinn. Hún er skyld annari konu Donalds Trumps. Hún deitaði Tom Cruise og Scott Baio. Hún var síðan gift trommaranum úr Mötley Crüe, Tommy Lee Jones frá '86-'93. Nú síðast giftist hún gítaraleikaranum úr bandinu hans Bon Jovi, Richie Sambora, árið 1994. Þau eiga eina dóttur saman. Locklear og Sambora slitu samvistum þann 11. apríl 2007.
______________________________________________________________
Dr. Peter Burns eða Dr. Looooooove, leikinn af Jack Wagner.
Hann var rosalega smooth gæi og var svona on and off yfirlæknir á Memorial sjúkrahúsinu. Hann var giftur Beth Davis, Amanda Woodward og Eve Cleary.
Jack Wagner er fæddur 3. október 1959 í Washington, Missouri.
Hann ætlaði alltaf að verða atvinnugolfari og byrjaði að æfa sig þegar hann var tíu ára gamall.
Wagner er frægastur fyrir hlutverk sitt sem Frisco Jones í 'General Hospital'. Síðan var hann í 'Melrose Place' og 'Bold and the Beautiful' svo við getum kallað hann sápuóperukóng.
Wagner gaf líka út plötu árið 1985 sem heitir 'All I need'. Hann hefur líka verið kynnir í tveimur 'Ungfrú Alheimur' keppnum. Annarsvegar í Honululu, Hawai 1998 og hinsvegar í Trinidad and Tobago árið 1999.
Wagner var giftur sápuleikkonunni Kristina Wagner sem lék á móti honum í 'General Hospital'. Þau áttu saman tvö börn en hjónabandið var mjög stormasamt og þau skildu í annað skipti árið 2006... Síðast fréttist af honum deitandi Heather Locklear. Hann er semsagt miiikið fyrir sápuóperur og sápuóperuleikkonur. Gaman að honum.
_______________________________________________________________
Ég rak augun í nokkur fræg andlit sem léku mjög stutt í Melrose Place, eins og til dæmis Scott Wolf, Alyssa Milano, Jared Leto, George Clooney, Kristin Davis, Vanessa Williams og Ryan Philippe. Ekki amalegt safn þar.
Jæja... þetta fer nú að vera gott. Veit það eru einhverjar persónur eftir en þær voru allar bara í 1 ár eða minna og finnst mér því ekki nauðsynlegt að pæla í þeim :P
